Poore ka poora aakash ghuma karke baazi dekhi meine
Kaale ghar mein suraj rakh ke tumne shayad socha tha mere saare mohre pit jayenge
Meine ek chirag jala ke apna rasta khol liya
Tumne ek samanadar haath mein lekar mujhpe dhel diya
Meine noah ki kashti uske upar rakh di
Kaal chala tumne aur meri janib dekha
Meine kaal ko tod ke lamha lamha jeena seekh liya
Meri khudi ko tumne chand chamaktkaro se maarna chaha
Mere ek pyaade ne tera chand ka mohra maar kiya
Maut ki sheh de kar tumne socha tha ab to maat hui
Meine jism ka khol utar ke sounp diya aur rooh bacha li
Poore ka poora akash ghuma kar ab tum dekho baazi…
-Gulzar's words in Naseeruddin voice
No comments:
Post a Comment